白金禧Platinum Jubilee呢個詞喺近日就經常被提起，原因係英女皇伊利沙伯二世成為英國史上首位慶祝「白金禧年」嘅君主，咁到底要做可以用到白金禧Platinum Jubilee呢個詞有咩條件呢？
喺意思上嚟講，Jubilee並唔係隨隨便便嘅周年紀念日，而係一啲重要事件達到25、50年或以上特殊嘅日子先可以用到，就好似達到25年就會用silver jubilee、50年就係golden jubilee、60年就係diamond jubilee。至於要被稱為白金禧Platinum Jubilee，就要去到70周年先可以，古今中外嚟講都真係相當困難。
現年96歲英女王伊利沙伯二世唔單止係英國歷史上在位時間最長嘅君主，亦都係全球在位時間第三長嘅君主，所以為咗慶祝呢件事，英國一連四日都係放假並且舉行一連串活動慶祝。
原圖嚟自網絡